Northern Province Development Officer's Union

Friday, June 10, 2016

வவுனியா குருமன்காடு அருள்மிகு ஸ்ரீ விநாயகர் தேவஸ்தானம் வருடாந்த மகோற்சவ விஞ்ஞாபனம் -2016

வவுனியா குருமன்காடு அருள்மிகு ஸ்ரீ விநாயகர் தேவஸ்தானத்தின் வருடாந்த மகோற்சவம் மூனர் வருடங்களின் பின் மீண்டும் நாளை முதல் ஆலய பிரதமகுரு சிவஸ்ரீ நாராயண சண்முகநாதக்குருக்கள் தலைமையில் நாளை 11.06.2016 காலை 10.30 மணியளவில் கொடிஏற்றதுடன் ஆரம்பமாகவுள்ளது.

மேற்படி ஆலய மகோற்சவம் நாளை கொடிஏற்றதுடன் ஆரம்பமாகி

19.06.2016 - ஞாயிற்றுகிழமை தேர்த்திருவிழாவும்

20.06.2016 திங்கட்கிழமை தீர்த்த திருவிழாவும்

21.06.2016 செவ்வாய்க்கிழமை பூங்காவனமும் இடம்பெற்று

22.06.2016 புதன்கிழமை வயிரவர் சாந்தியுடன் நிறைவு பெறுகிறது.

Thursday, June 9, 2016

வவுனியா பூந்தோட்டம் நரசிங்கர் ஆலய வருடாந்த பொங்கல் விழா : வவுனியா நெற் இணையத்தில் நேரடி ஒளிபரப்பு!!

வவுனியா பூந்தோட்டம் அருள்மிகு ஸ்ரீ லக்ஷ்மி சமேத நரசிங்கர் ஆலய வருடாந்த பொங்கல் விழா நாளை (11.06.2016 சனிக்கிழமை நடைபெறவுள்ளது.

பகல் நிகழ்வுகளாக பறவைக் காவடிகள், செடில் காவடிகள், பால்க்காவடிகள், பால்ச்செம்பு, தீச்சட்டி, கரகாட்டம் என்பன காலை 9 மணியளவில் வவுனியா கந்தசுவாமி ஆலயத்திலிருந்து ஆரம்பமாகி வவுனியா நகர வீதிவழியாக பூந்தோட்டம் நரசிங்கர் ஆலயத்தினை வந்தடையும். தொடர்ந்து அன்னதானம் வழங்கப்படும்.

அன்றைய தினம் இரவு நிகழ்ச்சிகளாக கலை நிகழ்ச்சிகள், கரகாட்டம், வானவேடிக்கைகள், மற்றும் இலங்கையின் முன்னணி பாடகர்கள் கலந்து சிறப்பிக்கும் எம்.சிவகுமாரின் அக்னி இசைக்குழுவின் மாபெரும் இன்னிசை நிகழ்வும் இடம்பெறும்.

இந்நிகழ்வுகள் அனைத்தையும் இணையத்தளம் மூலமாக நாள் முழுவதும் நேரடி ஒளிபரப்பினை மேற்கொள்ளுவதற்கான ஏற்பாடுகளை வவுனியாநெற் இணையத்தளக் குழுவினர் மேற்கொண்டு வருகின்றனர்.

தொடர்ச்சியாக மூன்று ஆண்டுகளாக இவ் ஆலயத்தின் பொங்கல் விழா நிகழ்வுகளை வெற்றிகரமாக நேரடியாக ஒளிபரப்பிய வவுனியா நெற் இணையத்தளம் இம்முறை 4வது ஆண்டாக நவீன ஒலி, ஒளி சாதனங்களுடன் மிகத் துல்லியமான HD தரத்துடன் நேரடி ஒளிபரப்பினை மேற்கொள்வதற்கான ஏற்பாடுகளை மேற்கொண்டு வருகிறது.

காலை 9 மணிமுதல் இன் நேரடி ஒளிபரப்பினை உலகின் எப்பாகத்திலிருந்தும் வவுனியா நெற் இணையத்தளத்தில் கண்டுகளிக்க முடியும். இச் செய்தியை உங்கள் உறவுகளுக்கும் தெரியப்படுத்துங்கள்.

Tuesday, June 7, 2016

நயினை நாகபூசணி அம்பாளின் கொடியேற்ற முழுமையான படத்தொகுப்பு !!

உலகாளும் சக்தி நயினையுறை நாகபூஷணி அம்பிகையின்
துர்முகி வருட மகோற்சவம் இன்று கொடியேற்றத்துடன்
ஆரம்பம் ..நிகழ்வின் பதிவுகள் .காணக் கண்கோடி வேண்டும் ..ஓம் சக்தி ...பசிதீர்த்து அமுதளித்த அமுதசுரபியும் தாகம் தீர்த்தருளிய கோப்பிசபையினரும்

வவுனியா புதூர் நாகதம்பிரான் ஆலயம் பொங்கல் உற்சவம்(படங்கள் ,வீடியோ)

வரலாற்று சிறப்புமிக்க வவுனியா புதூர் நாகதம்பிரான் ஆலயத்தின் வருடாந்த பொங்கல் விழா நேற்று 06.06.2016திங்கட்கிழமை இடம்பெற்றது.

வருடாந்தம் சிறப்பாக இடம்பெற்று வரும் பொங்கல் விழாவில் காலையில் இருந்தே பக்த அடியார்கள் கோவிலை நோக்கி சென்றிருந்ததுடன் பல பாகங்களில் இருந்தும் மக்கள் வருகை தந்திருந்தனர்.

இந் நிலையில் காவடி, பறவைக்காவடி, பாற்செம்பு எடுத்து பக்தர்கள் தமது நேர்த்திக்கடனை நிறைவு செய்திருந்ததுடன் நூற்றுக்கணக்கான பக்தர்கள் ஆலயத்தில் பொங்கல்பொங்கி வழிபாடுகளிலும் ஈடுபட்டிருந்தனர்.

இதேவேளை பண்டமெடுக்கும் நிகழ்வுகள் இடம்பெற்று ஆலயத்தின் விசேட பொங்கல் நிகழ்வும் இடம்பெற்றிருந்தது.

Tuesday, May 31, 2016

நயினை நாகபூஷணிக்கு மகோற்சவம் எதிர்வரும் 6 ஆம் திகதி கொடியேற்றத்துடன் ஆரம்பம்!!

சரித்திர பிரசித்தி பெற்ற நயினாதீவு ஸ்ரீ நாக பூசணி அம்மன் ஆலயத்தினது வருடாந்த மகோற்சவம் எதிர்வரும் மாதம் 6 ஆம் திகதி திங்கட் கிழமை நண்பகல் 12 மணியளவில் கொடியேற்றத்துடன் ஆரம்பமாகவுள்ளது.

தொடர்ந்து பதினாறு தினங்கள் உற்சவங்கள் ஆலயத்தில் இடம் பெறவுள்ளது. 14 ஆம் திகதி செய்வாய்க்கிழமை 108 சங்குகளால் அம்பாளுக்கு பால் அபிஷேகமும் 15 ஆம் திகதி புதன்கிழமை பகல் சிவபூசையுடன் இரவு திருமஞ்சமும் 16 ஆம் திகதி வியாழக்கிழமை பகல் விசேட கருட பூசையும் 18 ஆம் திகதி சனிக்கிழமை இரவு பெரிய சப்பரத்திருவிழாவும் மறுதினமான 19 ஆம் திகதி ஞாயிற்றுக்கிழமை காலை தேர்த்திருவிழாவும் 20 ஆம் திகதி திங்கட்கிழமை காலை தீர்த்தத் திருவிழாவும் 21 ஆம் திகதி செய்வாய்க்கிழமை மாலை தெற்பத்திருவிழாவுடன் ஆலயத்தினது உற்சவங்கள் யாவும் நிறைவடையும்.

ஆலயத்திருவிழாவில் கலந்து கொள்கின்ற அடியார்களினது தாக சாந்தி மற்றும் பசிப் பிணி ஆகியவற்றினை தீர்ப்பதற்கான ஏற்பாடுகளை ஆலயத்தின் மீது பற்றுள்ள பல அடியார்களும் அமுத சுரபி அன்னதான சபையினரும் ஒழுங்கு செய்து வருகின்றனர். ஆலயத்திருவிழா காலங்களில் நாட்டினது பல இடங்களில் இருந்தும் ஆலயத்திற்கு வருகின்ற அடியார் களினது போக்குவரத்து வசதிகள் யாழ்ப்பாணம் மத்திய பஸ் தரிப்பு இடத்தில் இருந்து குறிகாட்டுவான் இறங்கு துறை வரைக்கும் இலங்கைப் போக்குவரத்து வடபிராந்திய சபையும் தனியார் சிற்றூர்தி சங்கத்தைச் சேர்ந்த சிற்றூர்திகளும் அதிக அளவில் சேவையில் ஈடுபடுவதற்கும் முன்வந்துள்ளனர்.

இதேபோன்று குறிகாட்டுவான் இறங்கு துறைக்கும் நயினாதீவு இறங்கு துறைக்குமிடையே சேவையில் ஈடுபடவிருக்கும் மோட்டார் படகினது சேவைகளும் ஆலயத் திருவிழா காலங்களில் வருகின்ற யாத்திரிகர்களினது வருகையினைத் தொடர்ந்து கட்டுப்பாடு இன்றி சேவைகளை மேற்கொள்வதற்கு முன்வந்துள்ளன. இதேபோன்று ஆலயத்தினது திருவிழாவினை யொட்டி சென்றவருடங்களைப் போல இவ்வருடமும் மின்சார விநியோகத்தினை வழங்குவதற்கு இலங்கை மின்சார சபையினர் சம்மதம் தெரிவித்துள்ளதுடன் சுகாதாரத் திணைக்களத்தினரும் ஆலய சுற்றாடலில் புனிதத்தன்மையினை பேணுவதற்குரிய அனைத்து நடவடிக்கைகளையும் மேற்கொள்வதற்கு தயாராக உள்ளதாகவும் தெரிவித்துள்ளனர். குடி தண்ணீர் சேவையினை வேலணை சாட்டியில் இருந்து வேலணை பிரதேச சபையின் ஊடாக தண்ணீர் பவுசர்கள் மூலமாக பெற்றுக்கொள்வதற்கும் நடவடிக்கைகளும் மேற்கொள்ளப்பட்டுள்ளன.

ஆலயத்தினது திருவிழாக்காலங்களில் ஆலயச் சுற்று சூழல் பகுதிகளில் மதுபாவனை மற்றும் புகைத்தல் மற்றும் பச்சை குத்துதல் போன்ற நடவடிக்கைகளுக்கு முற்றுமுழுதாக தடை விதிக்கப்பட்டுள்ளது.பொலித்தீன் பாவனைகளை வர்த்தகர்களும் ஆலயத்திற்கு சென்று வருகின்ற மக்களும் பாவிப்பதற்கு முற்றாக தடை விதிக்கப்பட்டுள்ளது. இதற்கு பதிலாக கடதாசி (பேப்பர்) யிலான அல்லது ஓலையினால் செய்யப்பட்ட பைகளைப் பாவிக்கும் படியும் அறிவுறுத்தப்பட்டுள்ளது. மேலும் நயினாதீவு இறங்குதுறைமுகத்தில் இருந்து குறிகாட்டுவான் இறங்குதுறை முகத்திற்கு இடையில் சேவையாற்றிவருகின்ற (பாரி) பாதை சேவையினை பழுதடையாத நிலையில் ஆலயத்தினது திருவிழா காலங்களில் இயங்குவதற்கு தயார் நிலையில் வைத்துக் கொள்ளும்படி யாழ். அரசாங்க அதிபர் நா.வேதநாயகன் யாழ்ப்பாண அதிகார திணைக்களத்தினது பொறியியலாளரை பணித்துள்ளமையும் குறிப்பிடத்தக்கது.

வவுனியா புதூர் நாகதம்பிரான் ஆலய வருடாந்த பொங்கல் விழா-2016

வரலாற்று பிரசித்தி பெற்ற வவுனியா புதூர் நாகதம்பிரான் ஆலய வருடாந்த பொங்கல் விழாவின் ஏற்பாடுகள் அனைத்தும் பூர்த்தி செய்யப்பட்டுள்ளதாக ஆலய நிர்வாக சபையினர்தெரிவித்துள்ளனர்.

ஆலயத்தின் வருடாந்த பொங்கல் விழா, எதிர்வரும் திங்கட்கிழமை 06 ஆம் திகதி இடம்பெறவுள்ளது.

இதற்கான பாதுகாப்பு ஏற்பாடுகள், விஷேட போக்குவரத்து ஏற்பாடுகள் உட்பட ஆலயத்திற்கு வரும் பக்தர்களின் நலன் கருதிய செயற்பாடுகள் அனைத்தும் நிறைவடைந்துள்ளதாக தெரிவிக்கப்பட்டுள்ளது.

இந்நிலையில், அனைத்து திணைக்களங்கள், நிறுவனங்கள், பொலிஸார் மற்றும் பக்கதர்களின் ஒத்துழைப்புடன் இம்முறையும் சிறப்பாக பொங்கல் விழா இடம்பெறவுள்ளதாக புதூர் ஆலய நிர்வாகத்தினர் குறிப்பிட்டுள்ளனர்.

புதூர் ஆலய பொங்கல் விழாவிற்கு வருடாந்தம் வடக்கு, கிழக்கு மற்றும் ஏனைய பிரதேசங்களிலுமிருந்து ஆயிரக்கணக்கான பக்தர்கள் வருகைதருகின்றமை சிறப்பம்சமாகும்.

Monday, May 23, 2016

ஆறுமுகத்தான் புதுக்குளம் ஸ்ரீ கந்தசுவாமி ஆலயத்தின் அன்னதான மண்டபத்துக்கு அடிக்கல் நாட்டு!!(படங்கள்)

வவுனியா ஆறுமுகத்தான்புதுக்குளம் ஸ்ரீ கந்தசுவாமி ஆலயத்தின் அன்னதான மண்டபம் அமைப்பதற்கான அடிக்கல் நாட்டும் கடந்த 21.05.2016 சனிக்கிழமை காலை இடம்பெற்றது .

இந்த நிகழ்வில் ,பாராளுமன்ற உறுப்பினர் திரு.சிவசக்தி ஆனந்தன் மற்றும் கலாசார உத்தியோகத்தர் நித்தியானந்தன் கலந்து கொண்டு ஆலயத்தின் அன்னதான மண்டபத்துக்கான அடிக்கல்லை நாட்டி வைத்தனர் . மேற்படி நிகழவில் ஆலய பரிபாலன உறுப்பினர்கள் மற்றும் ஆறுமுகத்தான் புதுக்குளம் கிராம மக்கள் ஆகியோர் கலந்து கொண்டனர் ..

வவுனியா நெளுக்குளம் ஸ்ரீ முருகன் ஆலய தீர்த்தோற்சவம் 2016!!(படங்கள்)

வவுனியா நெளுக்குளம் அருள்மிகு ஸ்ரீ முருகன் ஆலய வருடாந்த மகோற்சவத்தின் தீர்த்தோற்சவம் கடந்த 21.05. 2016 சனிக்கிழமை காலை ஒன்பது மணியளவில் இடம்பெற்றது . மாலையில் கொடியிறக்க வைபவமும் இடம்பெற்றது .